O‘zbekistonga Turkiyadan 3,3 ming tonna tovuq go‘shti olib kelindi

Qo‘mita xabariga ko‘ra, O‘zbekiston 2022 yilning yanvar-may oylarida Turkiyadan import qilingan ayrim turdagi oziq-ovqat mahsulotlari hajmida tovuq go‘shti yetakchi pozitsiyani egallab turibdi – 3,3 ming tonna.

Ushbu ko‘rsatkich qolgan tovarlar kesimida quyidagicha ko‘rinishga ega:

• mandarin – 3 ming tonna;
• makkajo‘xori – 2 ming tonna;
• kakao va shokolad – 961 tonna;
• olma – 874 tonna;
• qandolat mahsulotlari – 521 tonna;
• margarin mahsulotlari – 484 tonna;
• sut mahsulotlari – 319 tonna;
• banan – 197 tonna;
• bolalar uchun oziq-ovqat mahsulotlari – 16 tonna.

Bundan oldin O‘zbekistonga oziq-ovqat mahsulotlari asosan Qozog‘iston va Rossiyadan olib kelinayotgani xabar qilingandi. 

O‘zbekistonga 2022 yilning yanvar-may oylarida import qilingan oziq-ovqat mahsulotlari hajmida yuqori ulushga ega bo‘lgan davlatlar orasida Qozog‘iston yetakchilik qilmoqda – 37,9 foiz.