Oliy ta’lim muassasalari tasarrufidagi akademik litseylarga dastlabki saralash imtihonlarini o‘tkazish grafigi tasdiqlandi.
Oliy ta’lim vazirligi xabariga ko‘ra, litseylarda imtihonlar joriy yilning 13 iyulidan 16 iyuliga qadar (har kuni) 2 smenada o‘tkaziladi.
Qoraqalpoq davlat universiteti hamda Nukus davlat pedagogika instituti tasarrufidagi akademik litseylarga dastlabki saralash imtihonlarini o‘tkazishning aniq muddatlari qo‘shimcha ravishda e’lon qilinadi.
Bundan oldin qoraqalpog‘istonlik abituriyentlar uchun qabul muddati uzaytirilishi xabar berilgandi.
Oliy va o‘rta maxsus ta’lim vazirligi Qoraqalpog‘istondagi internet muammosi tufayli qoraqalpog‘istonlik abituriyentlar uchun qabul uzaytirilishini ma’lum qildi. Vazirlik qabul muddatiga aniqlik kiritmagan.
