14 iyul kuni Qirg‘izistonning AeroStan aviakompaniyasiga tegishli Boeing 747-200F (Jumbo Jet) yuk samolyoti ilk bor Namangan xalqaro aeroportiga qo‘ndi.
Uzbekistan Airports xabariga ko‘ra, Bishkekdan yetib kelgan samolyot mahalliy vaqt bilan soat 11:19 da yonilg‘i quyish maqsadida Namangan xalqaro aeroportiga qo‘ndi.
Qayd etilishicha, soat 14:44 da samolyot Namangandan Makaoga (Xitoy) uchib ketdi.
AeroStan 2008 yilda tashkil etilgan va Bishkekda (Qirg‘iziston) ro‘yxatdan o‘tgan havo yuklarini tashuvchi operator hisoblanadi.