Yevropa davlatlarining yirik IT-kompaniyalarini O‘zbekistonga jalb qilish rejalashtirilmoqda

18 iyul kuni axborot texnologiyalari va kommunikatsiyalarini rivojlantirish vaziri Sherzod Shermatov Yevropa-O‘zbekiston iqtisodiy hamkorlik assotsiatsiyasi bosh kotibi Oybek Shayxov bilan uchrashuv o‘tkazdi.

Uchrashuvda AKT sohasida o‘zaro hamkorlik qilish, Yevropa-O‘zbekiston iqtisodiy hamkorlik assotsiatsiyasi orqali Yevropa davlatlari yirik IT-kompaniyalarini O‘zbekistonga jalb qilishda hamkorlik hamda amalga oshirilishi rejalashtirilayotgan loyihalar to‘g‘risida gaplashildi.

Uchrashuv davomida AKT vaziri mamlakatda ham autsorsing xizmatlari (BPO va KPO) rivojlanganini aytib o‘tdi. Xorijiy kompaniyalar ishtirokida BPO xizmatlarini rivojlantirish va shu tariqa IT mahsulot va xizmatlar eksportini oshirish, yoshlarni AKT sohasiga keng jalb qilish hamda yuqori maoshli ish bilan ta’minlash muhim ekanini qayd etdi.

Uchrashuvda o‘zaro hamkorlik qilish borasidagi fikr va mulohazalari tinglandi. Kelgusida manfaatli loyihalarni amalga oshirish bo‘yicha masalalar gaplashib olindi.