10:26 / 30.07.2022
18862
Қорақалпоғистонга янги ички ишлар вазири тайинланди

Қорақалпоғистон Республикасига ички ишлар вазири тайинланди. Бу ҳақда “Давлат бошқаруви” канали хабар берди.

Бахтияр Торебеков / Фото: ИИВ

Қайд этилишича, Бахтияр Торебеков Қорақалпоғистон Республикаси ички ишлар вазири этиб тайинланди.

Торебеков 2019 йил апрелидан буён Қўнғирот тумани ички ишлар бўлими бошлиғи лавозимида фаолият юритаётган эди.

26 июл куни полковник Аманбай Оринбаев Қорақалпоғистон Республикаси ички ишлар вазири лавозимидан озод этилганди.

У Қорақалпоғистон Республикаси Вазирлар Кенгаши раисининг экология ва Оролбўйи ҳудудларини ривожлантириш масалалари бўйича биринчи ўринбосари лавозимига тайинланди.

Бундан аввалроқ Қорақалпоғистон прокурори Фарҳод Алламбергенов ишдан олиниб, унинг ўрнига Эркабой Тожиев тайинлангани хабар қилинганди.

Мавзу
Қорақалпоғистондаги намойишлар
1-2 июл кунлари Қорақалпоғистон маркази Нукус шаҳрида тартибсизликлар кузатилди. Миллий гвардия ходимлари билан тўқнашувларда 200 дан ортиқ киши яраланган, 18 киши ҳалок бўлган.
Барчаси
Top