"O‘zkimyosanoat” AJ va tizim korxonalari komplayens xizmatlari tomonidan yil birinchi yarmida 1,2 mlrd so‘mlik kamomad, 17,1 mlrd so‘mlik tayyor mahsulotga qo‘shib yozish holatlari aniqlangan. Bu haqda aksiyadorlik jamiyati axborot xizmati rahbari Rustam Eshbekov ma’lum qildi.
Rustam Eshbekov / Foto: AOKA
Qayd etilishicha, 23 nafar xodim jinoiy javobgarlikka tortildi, 17 nafar xodim egallab turgan lavozimidan ozod etildi, 12 nafar mas’ul xodimga hayfsan berildi, 16 nafar xodim ish haqidan jarima undirildi, 9 ta holat bo‘yicha to‘plangan materiallar qonuniy chora ko‘rish uchun huquq-tartibot organlariga yuborildi.
Hisobot davrida jami 51 ta holat bo‘yicha manfaatlar to‘qnashuvi bilan bog‘liq holatlar aniqlangan.
Tizimdagi korrupsion holatlar yuzasidan ma’lumot yoki murojaatlar bo‘lsa (78) 140-74-48 ishonch telefonlariga qo‘ng‘iroq qilish mumkinligi eslatib o‘tilgan.
