Abdulaziz Komilov Saudiya Arabistoni tashqi ishlar vaziriga qo‘ng‘iroq qildi

Foto: Saudiya Arabistoni tashqi ishlar vazirligi

8 avgust kuni O‘zbekiston prezidentining tashqi siyosat masalalari bo‘yicha maxsus vakili Abdulaziz Komilov Saudiya Arabistoni tashqi ishlar vaziri shahzoda Faysal bin Farhonga telefon qildi. Bu haqda qirollik tashqi ishlar vazirligi xabar berdi.

Muloqot chog‘ida ikki tomonlama munosabatlar va ularni barcha sohalarda rivojlantirish yo‘llari ko‘rib chiqildi. Shuningdek, mintaqaviy va xalqaro miqyosdagi so‘nggi o‘zgarishlar hamda umumiy manfaatdor masalalar muhokama qilindi.

Eslatib o‘tamiz, sentabr oyida Samarqandda bo‘lib o‘tadigan ShHT davlat rahbarlari sammitida Saudiya Arabistoniga ShHT bo‘yicha muloqot hamkori maqomini berishga oid memorandum imzolanishi kutilmoqda. Shuningdek, ushbu sammitga valiahd shahzoda Muhammad bin Salmon ham tashrif buyurishi mumkin.