Bayram kunlari o‘zbekistonliklar ketma-ket 4 kun dam oladi

Yaqinlashayotgan davlat mustaqilligi bayrami kuni munosabati bilan o‘zbekistonliklar ketma-ket 4 kun dam olish imkoniyatiga ega bo‘ladi.

"2022 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida"gi prezident farmoniga asosan:

2 sentabr — juma, ish haftasi turidan qat’i nazar barcha xodimlar uchun;
3 sentabr — shanba, olti kunlik ish haftasida ishlaydigan xodimlar uchun qo‘shimcha dam olish kuni hisoblanadi.
3-4 sentabr (shanba va yakshanba kunlari) besh kunlik ish haftasida ishlaydigan xodimlar uchun odatdagi dam olish kunlaridir.

5 sentabr barcha uchun ish kuni bo‘ladi.

Shuningdek maktab, litsey, kollej va texnikumlar o‘quvchilari, shuningdek OTM talabalari uchun darslar ham 5 sentabr, dushanbadan boshlanadi.