Ta’lim tashkilotlarida darslar 5 sentabrdan boshlanadi

O‘zbekiston ta’lim tashkilotlarida dars jarayonlari 5 sentabrdan boshlanadi. Bu haqda Vazirlar Mahkamasi huzuridagi Ta’lim sifatini nazorat qilish davlat inspeksiyasi xabar berdi.

Mustaqillik bayrami munosabati bilan o‘zbekistonliklar 4 kun dam oladi:

• 1 sentabr — payshanba (ishlanmaydigan bayram kuni);
• 2 sentabr — juma (ish haftasi turidan qat’iy nazar qo‘shimcha dam olish kuni); 
• 3 sentabr — shanba (olti kunlik ish haftasidagi xodimlar uchun qo‘shimcha dam olish kuni); 
• 4 sentabr — yakshanba (dam olish kuni).

5 sentabr, dushanba kuni barcha ta’lim muassasalari uchun 2022-2023 o‘quv yili ilk o‘qish kuni bo‘ladi.

Ma’lumot uchun, 2021 yilda darslar 6 sentabrdan to‘liq an’anaviy tarzda boshlangandi.