Qonunchilikda advokatlarning ham sud ekspertizasi tayinlashi huquqi belgilandi

Adliya vazirligi axborot xizmati rahbari Sevara O‘rinboyevaga ko‘ra, Ma’muriy javobgarlik to‘g‘risidagi kodeksga ijtimoiy ahamiyatga molik ochiq ma’lumotlarni e’lon qilmaganlik yoki to‘liq e’lon qilmaganlik, e’lon qilish muddatlariga va tartibiga rioya etmaganlik yoki ma’lumotlarni buzib ko‘rsatganlik uchun jarima belgilanishi kiritilmoqda.

2023 yil 1 yanvardan advokatlik faoliyati bilan shug‘ullanish huquqini beruvchi litsenziyani olish bo‘yicha murojaatlar, litsenziyani berish va qayta rasmiylashtirish bo‘yicha barcha tartib-taomillar “Lisenziya” axborot tizimi yoki Yagona interaktiv davlat xizmatlari portali orqali amalga oshiriladi.

Advokatlik faoliyati uchun litsenziya olish bilan bir vaqtda talabgor xohishiga ko‘ra, advokatlik byurosini ham davlat ro‘yxatidan o‘tkazish uchun kompozit xizmat ko‘rsatish imkoni yaratilmoqda.

Endi litsenziya yo‘qotilganda yoki yaroqsiz holga kelganda, litsenziya dublikatini olish zarurati mavjud bo‘lmaydi.