Nikopoldagi vayrongarchiliklar, Odessada bombapanagohdagi chaqaloqlar. Urush suratlari

22 avgust kuni Ukraina qurolli kuchlari bosh qo‘mondoni Valeriy Zalujniy urush boshidan buyon qariyb to‘qqiz ming ukrain askari halok bo‘lganini ma’lum qildi. Ukraina Xerson oblastidagi Antonov ko‘prigiga yana zarbalar berdi. Bu RF armiyasi ta’minoti uchun Dnepr ustidan eng muhim o‘tish yo‘li hisoblanadi. TASS Xerson oblastidagi rossiyaparast hukumat va favqulodda xizmatlarga tayangan holda, ko‘prik o‘qqa tutilishi chog‘ida ikki kishi halok bo‘lib, uch kishi bedarak yo‘qolgani, yana 16 kishi jarohat olgani haqida xabar berdi. FSB faylasuf Aleksandr Duginning qizi Daryaning o‘ldirilishi tafsilotlari oshkor bo‘lganini ma’lum qildi. Ularning xulosasiga ko‘ra, bu suiqasd ukrain maxsus xizmatlarining ishi bo‘lgan. Volodimir Zelenskiy agar Mariupoldagi «Azovstal»da asir tushgan harbiylar ustidan «tribunal» o‘tkazilgan taqdirda, Ukraina Rossiya bilan muzokaralardan voz kechishini aytdi.

Quyida 22 avgust kuni Ukrainaning turli hududlarida olingan suratlar.