Toshkent aeroporti uchib ketish zali oldidagi avtoturargohga kirish cheklandi

Rekonstruksiya ishlari munosabati bilan 23 avgustdan boshlab Toshkent xalqaro aeroporti uchib ketish zali oldidagi avtoturargohga kirish vaqtinchalik cheklanadi.

Foto: Uzbekistan Airports

Uzbekistan Airports xabariga ko‘ra, yo‘lovchilar, odamlarni kuzatish va kutib olish uchun estakadadan foydalanish, yon atrofdagi boshqa avtoturargohlardan foydalanish mumkin.

Bundan tashqari, joriy hafta oxirigacha uchib kelish zali yonidagi avtoturargohlar qayta ishga tushiriladi.

Uzbekistan Airports vaqtinchalik noqulayliklar uchun uzr so‘ragan.

Bundan oldin Samarqand xalqaro aeroportiga qator aviaqatnovlar bekor qilingandi.