Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 14:52 / 26.08.2022
    21706
    6 daqiqa o‘qiladi

    Chaplinoda yakson bo‘lgan poyezdlar, Zaporijjya AES ustida tutun buluti. Urush suratlari

    25 avgust kuni RF mudofaa vazirligi rossiyalik harbiylar Chaplinoni o‘qqa tutganini tasdiqladi — go‘yoki zarba ukrain harbiylari bo‘lgan eshelonga berilgan. Hujum oqibatida, Ukraina hukumati ma’lumotiga ko‘ra, 25 kishi, jumladan ikki bola ham halok bo‘lgan. RF Davlat dumasi kengashi BMT va Xalqaro atom energetikasi agentligini Ukrainadan Zaporijjya AES bo‘ylab o‘t ochishni zudlik bilan to‘xtatishni talab qilishga chaqirdi: tomonlar bir-birini stansiyaga zarba berishda ayblamoqda. Xerson va Zaporojjya oblastlarining bir qancha yirik shaharlarida elektr ta’minotida uzilishlar kuzatilmoqda. Zaporojjya AESda xavfsizlik tizimlari ishga tushgan. Ukrainaning «Energoatom»i ZAES tarixida ilk bor stansiya energotarmoqdan butunlay uzilishi kuzatilganini xabar qildi. Vladimir Putin Rossiya qurolli kuchlarining shtatdagi xodimlari sonini oshirish to‘g‘risidagi farmonni imzoladi: 2023 yil yanvaridan armiyadagi harbiylar soni 1 million 150 ming kishiga yetadi. 

    Quyida 25 avgust, urushning 183-kunida Ukrainaning turli hududlarida olingan suratlar.

    Zaporojjya AES ustida tutun

    Zaporojjya AES hududining sun’iy yo‘ldosh orqali ko‘rinishi. Kadrda yong‘in tutuni aks etgan. Mart oyidan buyon stansiya va u joylashgan Energodar shahri rossiyalik harbiylar nazoratida qolmoqda. Avgust oyidan stansiya hududi o‘qqa tutilayotgani haqida xabarlar chiqa boshladi. Rossiya va Ukraina bunda bir-birini ayblamoqda.
    European Union, Copernicus Sentinel-2 / Reuters / Scanpix / LETA

    Dnepropetrovsk oblastining Chaplino posyolkasiga hujum oqibatlari 

    Chaplino stansiyasidagi poyezdning rossiyaliklarning 24 avgust kungi zarbalaridan keyingi ko‘rinishi. Zarba oqibatida 25 kishi halok bo‘lgan, jumladan ikki bola ham.
    Metin Aktas / Anadolu Agency / ABACAPRESS / ddp images / Vida Press
    Rossiyaliklarning Chaplino stansiyasiga yo‘llagan zarbasidan shikastlangan poyezd. To‘rtta vagon yonib ketgan, ularda odamlar bo‘lgan.
    Leo Correa / AP / Scanpix / LETA
    Rossiya raketa zarbasi yakson qilgan vagonlar. Volodimir Zelenskiy o‘z videomurojaatida Chaplinoga hujumni eslab o‘tdi va BMT Xavfsizlik kengashiga yuzlandi. RF mudofaa vazirligi hujum nishoni harbiy eshelon bo‘lganini aytgan va amaliyot muvaffaqiyatli amalga oshirilganini xabar qilgan.
    Metin Aktas / Anadolu Agency / ABACAPRESS / ddp images / Vida Press
    Chaplino posyolkasi aholisi o‘z uyi xarobalari orasida xolodilnik ichida qolgan yeguliklarni olmoqda. Uy rossiyaliklarning Chaplinoga yo‘llagan raketa zarbasi oqibatida yer bilan bitta bo‘lgan, boshqa bir qancha uylar ham vayronaga aylangan.
    Dmytro Smolienko / Reuters / Scanpix / LETA

    Severodonetskda gumanitar yordam tarqatilishi 

    «LXR» armiyasi harbiy xizmatchisi gumanitar yordam uchun navbatda turgan odamlar fonida. Severodonetskda mart oyidan iyun oyigacha shiddatli janglar kechdi, shaharda hamon elektr ta’minoti tiklanmagan, gaz va ichimlik suvi ham yo‘q. TASS ma’lumotiga ko‘ra, tibbiy muassasalar vayron etilgan, rossiyalik harbiylar mobil hospital ochishgan. Foto: Aleksandr Reka / TASS
    Gumanitar yordam uchun navbat. «LXR» rahbariyati hisoblashicha, Severodonetskdagi uylarning yarmini tiklab bo‘lmaydi. Ukraina nashrlariga ko‘ra, shahar ko‘chalari chiqindilar uyumi bilan to‘lgan. Foto: Aleksandr Reka / TASS

    Nyu-York posyolkasidagi hayot

    Horlivka («DXR» nazoratida) va Toretsk (Ukraina nazoratida) yaqinida joylashgan Nyu-York posyolkasidagi «Men Nyu-Yorkni sevaman» yozuvi aks etgan belgi — bu hududlar Donetsk oblastining Baxmut rayoni tarkibida. Rossiyaning Ukrainaga bosqiniga qadar posyolkada 10 ming kishi yashardi, endi shaharcha Donbassdagi intensiv janglar markazida qolgan. Posyolkani hamon Ukraina armiyasi o‘z nazoratida saqlab qolmoqda.
    Ammar Awad / Reuters / Scanpix / LETA
    Posyolkada yashovchi 64 yoshli Valeriy gulxan yoqib ovqat qilmoqda. Ukraina bosh shtabiga ko‘ra, Nyu-York posyolkasi joylashgan Baxmut yo‘nalishida Rossiya qo‘shinlari hujumni davom ettirmoqda — ammo hujumlar qaytarilmoqda.
    Ammar Awad / Reuters / Scanpix / LETA
    Nyu-York posyolkasidagi madaniy-tarixiy markaz ichining oynadan ko‘rinishi
    Ammar Awad / Reuters / Scanpix / LETA
    Nyu-Yorkda yashovchi 86 yoshli Lyubov Arkadevna cherkovdan uyiga qaytmoqda
    Ammar Awad / Reuters / Scanpix / LETA

    Xarkiv oblastidagi ukrain harbiylari 

    Palatkadan chiqayotgan ukrain harbiysi. 25 avgust kuni rossiyaliklar Xarkiv oblastining Chuguyiv rayonidagi Lebyajye posyolkasini o‘qqa tutdi— mahalliy rasmiylarga ko‘ra bir kishi halok bo‘lgan. Ukraina qurolli kuchlari bosh shtabiga ko‘ra, RF armiyasi Petrovki qishlog‘i atrofida oldinga o‘tishga harakat qilgan — yo‘qotishlarga uchrab, ortga chekingan.
    Anatolii Stepanov / AFP / Scanpix / LETA
    Ukrainlarning Su-25 samolyoti mamlakat sharqida. Surat aynan qayerda olingani aniq emas
    Anatolii Stepanov / AFP / Scanpix / LETA
    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    13:26 / 19.09.2024

    «Bu ish bermaydi» - Olaf Shols Ukrainada tinchlikka erishish yo‘llari haqida bayonot berdi

    11:40 / 19.09.2024

    Germaniya Ukraina harbiylarining davolanishi uchun yana 50 mln yevro ajratadi

    20:06 / 18.09.2024

    Dronlar Tver oblastiga hujum qildi. U yerda raketa arsenali joylashgan

    12:40 / 18.09.2024

    Germaniya Ukrainaga qishki yordam uchun 100 mln yevro ajratadi