Tayvan harbiylari ilk bor Xitoy droniga qarata o‘t ochdi

Xitoy armiyasiga tegishli dronlardan biri Erdan orolining taqiqlangan suv hududiga kirgan. Dron ogohlantirishlarga qaramasdan parvoz qilishda davom etganidan so‘ng tayvanlik harbiylar unga qarata o‘t ochgan.

Foto: AP

Tayvan harbiylari Xitoy xalq-ozodlik armiyasi droniga qarata o‘t ochdi. Bu haqda taiwannews xabar berdi.

Xabarda aytilishicha, Xitoy armiyasiga qarashli uchta dron Tayvanning Tszinmen arxipelagidagi orollar uzra parvoz qilgan. Tayvan harbiylarining ogohlantiruvchi signalidan so‘ng ular Xitoyning Syamen shahriga uchib ketgan.

Oradan bir oz vaqt o‘tgach, dronlardan biri Erdan orolining taqiqlangan suv hududiga kirgan. Harbiylar ogohlantiruvchi signal bergan.

Dron ogohlantirishlarga qaramasdan parvoz qilishda davom etganidan so‘ng tayvanlik harbiylar unga qarata o‘t ochgan. Shundan keyingina dron ortiga qaytgan.

Qayd etilishicha, bu Tayvan harbiylarining Xitoy droniga qarshi ilk marta o‘t ochishi hisoblanadi.