Moskvada besh yoshli qizni o‘g‘irlashga uringanlikda ayblangan o‘zbekistonlik ayol ushlandi

Politsiya Golyanovoda besh yoshli qizni o‘g‘irlashga uringanlikda gumon qilingan ayolni qo‘lga oldi.

Videodan kadr

«Ostorojno, Moskva» Telegram-kanalining xabar berishicha, bola oilasining advokati Konstantin Yeroxin o‘zbekistonlik ayolga nisbatan jinoiy ish qo‘zg‘atilganini ma’lum qilgan.

Unga besh yildan o‘n ikki yilgacha qamoq jazosi berilishi mumkin.

Moskvada asli o‘zbekistonlik bo‘lgan ayol besh yoshli qizni bolalar o‘yin maydonchasidan o‘g‘irlab ketmoqchi bo‘lgan edi.

Voqea shu yilning 19 avgust kuni Moskvadagi uy hovlilaridan birida sodir bo‘lgan. O‘zbekistonda tug‘ilgan 21 yoshli S.R. bolaning yoniga kelib, uning qo‘lidan ushlab, olib ketmoqchi bo‘lgan. Biroq, qizning onasi nima bo‘layotganini payqab qolgan va unga yetib olgan.