«Muzeylar haftaligi» doirasida Toshkent muzeylari bepul xizmat ko‘rsatishni boshladi

Bugundan e’tiboran "Muzeylar haftaligi" tadbiri boshlanadi. Unga ko‘ra, kelgusi yetti kun mobaynida fuqarolar uchun ayrim muzeylarga kirish bepul bo‘ladi.

Muzeylar ro‘yxati:

• O‘zbekiston Davlat san’at muzeyi;
• Abdulla Qodiriy uy muzeyi;
• Yunus Rajabiy uy muzeyi;
• O‘rol Tansiqboyev uy muzeyi;
• Tamaraxonim uy muzeyi;
• Sergey Yesenin uy muzeyi.

Vazirlar Mahkamasining 2010 yil 12 aprelda chiqargan 68-son qarori 8-ilovasidagi nizomga ko‘ra "Muzeylar haftaligi" tadbiri har yili 2-8 sentabr kunlari o‘tkazilishi belgilab qo‘yilgan. 

Fuqarolar bir hafta davomida muzeylarga tashrif buyurib, milliy muzey fondiga kiritilgan ashyolar va kolleksiyalar bilan tanishib olishi mumkin.