Qozog‘istonda Birinchi prezident kunidan davlat bayrami maqomi olib tashlanadi

Qozog‘iston Birinchi prezident kunini davlat bayramlari toifasidan chiqarib tashlashni rejalashtirmoqda, deb xabar berdi Informburo nashri.

Parlament quyi palatasi deputatlari ayrim qonun hujjatlariga kinematografiya va madaniyat masalalari bo‘yicha o‘zgartishlar kiritish loyihasini ma’qulladi. Unda Birinchi prezident kunini davlat bayramlari qatoridan chiqarish nazarda tutilyapti.

Tegishli qo‘mita 1 dekabr – Birinchi prezident kunini Davlat ramzlari kuni, Shukronalik kuni va boshqa ijtimoiy ahamiyatga ega bo‘lgan muhim sanalarga o‘xshatib, uni davlat bayramlari ro‘yxatidan chiqarib tashlashni taklif qildi. 

Hujjatda boshqa o‘zgarishlar ham mavjud. Xususan, 25 oktyabr – umumxalq bayrami – Respublika kuni, 16 dekabr – Mustaqillik kuni – davlat bayrami sifatida belgilangan. Ilgari Mustaqillik kuni milliy maqomga ega edi.

Qonun Senat tomonidan ko‘rib chiqilishi va prezident tomonidan imzolanishi kerak.

Qozog‘istonda Birinchi prezident kuni bayrami 2011 yil 10 dekabrda qabul qilingan. U 1 dekabrda, 1991 yilda Nursulton Nazarboyevning respublika rahbari lavozimiga saylangan kunida nishonlangan.