Nexia qarama-qarshi yo‘nalishdan kelayotgan avtobus bilan to‘qnashgan.
Jizzax viloyati IIB axborot xizmatining xabar berishicha, 2022 yil 10 sentabr kuni soat 19:20 larda 4R-40 Dashtobod-Zomin-Baxmal avtomobil yo‘lining Duoba mahallasidan o‘tgan 63-kilometrida odam o‘limi bilan bog‘liq yo‘l-transport hodisasi sodir bo‘lgan.
G‘allaorol tumani «Guliston» MFYda yashovchi fuqaro Nexia mashinasini Supa yo‘nalishida boshqarib ketayotib, qarama-qarshi yo‘nalishdan kelayotgan Buxoro viloyati Kogon shahrida yashovchi shaxs boshqaruvidagi avtobus bilan to‘qnashgan.
Oqibatda, Nexia haydovchisi og‘ir tan jarohatlari olib, voqea joyida vafot etgan.
Qayd etilishicha, hozirda hodisa yuzasidan Zomin tumani IIB tomonidan tergovga qadar tekshiruv o‘tkazilmoqda.
Avvalroq, Jizzax viloyati Paxtakor tumanida Nexia yuk mashinasi bilan to‘qnashishi oqibatida ikki kishi halok bo‘lgandi.
