13:21 / 16.09.2022
3045
Ўзбекистон Термиз – Мозори Шариф – Кобул – Пешовар темирйўли қурилишини қўллаб–қувватлашга чақирди

Шанҳай ҳамкорлик ташкилотига аъзо давлат раҳбарлари кенгаши тор доирадаги учрашувидан сўнг кенгайтирилган тартибдаги мажлис бошланди. Унда президент Шавкат Мирзиёев нутқ сўзламоқда. 

Бугун қабул қилинаётган ШҲТ ўзаро боғлиқликни мустаҳкамлаш ва самарали транспорт йўлакларини яратиш концепциясини амалиётга татбиқ этиш мақсадида президент Бирлашган миллатлар ташкилоти қўллаб-қувватлаши остида Тошкент шаҳрида минтақалараро ўзаро боғлиқлик марказини ташкил этишни таклиф қилди.

Саммит доирасида Хитой – Қирғизистон – Ўзбекистон темирйўли қурилиши тўғрисида уч томонлама битим имзоланишини тарихий воқеа дея баҳолаб, Шавкат Мирзиёев стратегик жиҳатдан яна бир муҳим лойиҳа – Термиз – Мозори Шариф – Кобул – Пешовар темирйўли коридори қурилишини ҳам қўллаб–қувватлашга чақирди.

Транспорт ва коммуникациялар соҳасидаги барча истиқболли лойиҳаларни келгуси йили Ўзбекистонда ШҲТ биринчи транспорт форуми доирасида муҳокама қилиш мумкинлиги таъкидланди.

Мавзу
Самарқандда ШҲТ саммити
15–16 сентябр кунлари Самарқанд шаҳрида Шанҳай ҳамкорлик ташкилотининг навбатдаги саммити ташкиллаштирилади.
Барчаси
Top