Toshkent tibbiyot akademiyasiga Germaniyaning tibbiyot sohasida yetakchi mutaxassislaridan iborat delegatsiyasi tashrif buyurdi 

4 oktabr kuni Toshkent tibbiyot akademiyasiga Germaniyaning yetakchi OPASCA kompaniyasi, Mannxaym (UMM) va Frayburg universitet (UKF) klinikasidan delegatsiya vakillari tashrif buyurdi. 

Tashrif doirasida Akademiya rektori A. Shodmonov xorijlik vakillarni bugungi kunda muassasa ta’lim tizimida amalga oshirilayotgan ishlar bilan yaqindan tanishtirdilar. 

Shuningdek, uchrashuv davomida Akademiya rektori A. Shodmonov, UMM bosh direktori F. Bergmann va OPASCA bosh direktori Dr. Sverdlov tomonidan Akademiya qoshida Germaniya tajribasiga asoslangan onkologiya sohasida kadrlar tayyorlash va malakasini oshirish  bo‘yicha mintaqaviy markaz - Xalqaro oliy onkologiya maktabi (XOOM) tashkil etish to‘g‘risida kelishuv imzolandi. 

Xususan, mazkur maktab faoliyatini muvofiqlashtirish yuzasidan quyidagi mutaxassisliklar: 

• Onkolog;
• Radioterapevt;
• Tibbiy fizik;
• Texnik-radiolog - chiziqli tezlatkich operatori;
• Onkolog-kimyoterapevt;
• Radionuklid diagnostika doktori;
• Bolalar onkogematologi tayyorlash yo‘lga qo‘yilishi rejalashtirilgan.

 Shuningdek, tibbiy axborot tizimlari bo‘yicha mutaxassis, sog‘liqni saqlash menedjyeri kabi ta’lim yo‘nalishlarida mutaxassislar tayyorlanadi.

Ma’lumot o‘rnida aytish joizki,  XOOM qoshida  “Tibbiy fizika” mutaxassisligi bo‘yicha magistratura yo‘nalishini tashkil qilish dastlabki muhim bosqich vazifasini o‘taydi.

Toshkent tibbiyot akademiyasi matbuot xizmati