Qoʻshimcha funksionallar
-
Tungi ko‘rinish
Malayziya Buxoroda halol sertifikatlashtirish bo‘yicha mutaxassislar markazi ochadi
O‘zbekistonning Kuala-Lumpurdagi elchixonasi ko‘magida Malayziya Islom taraqqiyoti departamenti (JAKIM) bosh direktori Hakima Mohd Yusuf va ushbu mamlakatda bo‘lib turgan Buxoro viloyati delegatsiyasi vakillari o‘rtasida uchrashuv tashkil etildi, deb xabar bermoqda «Dunyo».
Malayziya Islom taraqqiyoti departamenti (JAKIM) sinov laboratoriyalarini akkreditatsiya qiluvchi («HALAL» sertifikatini beruvchi) va ular faoliyatini sertifikatlovchi davlat organi hisoblanadi. JAKIM tarkibida «Latihan Islam» instituti tashkil etilgan. Bugungi kunga qadar JAKIM sertifikatlari Malayziyada tan olingan dunyoning 46 davlati milliy sertifikatlashtirish organlari bilan hamkorlikni yo‘lga qo‘ygan.
Malayziya tomoni o‘zbekistonlik sheriklar bilan hamkorlikni yo‘lga qo‘yish va rivojlantirishdan, Buxoro viloyatida halol sertifikatlashtirishni amalga oshirish bo‘yicha mutaxassislar markazini ochish taklifini ko‘rib chiqishdan manfaatdor ekanini bildirdi.
Uchrashuv yakunlari bo‘yicha JAKIM Islom taraqqiyoti departamentiga O‘zbekiston rasmiy arizasini topshirish va Malayziya tomoni bilan birgalikda halol sertifikatlashtirishni amalga oshirish bo‘yicha mutaxassislar markazi tashkil etish bo‘yicha kelishuvlarga erishildi.
Mavzuga oid
12:58 / 27.06.2026
Malayziyaga sayohatga borgan uch o‘zbekistonlik "aybsiz aybdor" bo‘lib o‘limga hukm qilingandi - sobiq DXX xodimi
15:20 / 13.06.2026
Eski sandiqdan topilgan britancha surat: Dulsi xonim izlagan Boqijon Akramov Buxoro va Qashqadaryodan topildi
11:42 / 02.06.2026
“Malayziya yordamga tayyor” – elchi islomiy moliyani joriy qilish haqida
21:56 / 01.06.2026