Samarqandda Turkiy davlatlar tashkiloti navbatdagi sammiti o‘tkaziladi

Markaziy Osiyo xalqaro institutida (MOXI) «O‘zbekiston va Turkiya tahlil institutlari o‘rtasidagi strategik sheriklik yangi bosqichi» mavzusidagi davra suhbati bo‘lib o‘tdi, deb xabar bermoqda «Dunyo».

Ekspertlar joriy yilda O‘zbekiston va Turkiya o‘rtasida diplomatik munosabatlar o‘rnatilgani 30 yilligi va Samarqandda o‘tkazilishi rejalashtirilgan Turkiy davlatlar tashkiloti navbatdagi sammitiga alohida e’tibor qaratdi.

Turkiy davlatlar tashkiloti birinchi sammiti hamkorlik yangi istiqbollarini muhokama qilish va aniq takliflar ishlab chiqishda muhim voqea bo‘lishi ta’kidlandi.

Tadbir davomida MOXI va Turkiya tahlil markazlari o‘rtasida hamkorlik aloqalarini o‘rnatish, qo‘shma ilmiy-amaliy tadbirlar o‘tkazish muhokama qilindi.

Tomonlar O‘zbekiston va Turkiya o‘rtasidagi sheriklikni siyosiy, savdo-iqtisodiy, transport-logistika, madaniy-gumanitar, qishloq xo‘jaligi va boshqa sohalarda yanada kengaytirish masalalarini ekspertlar darajasida ko‘rib chiqishdan  manfaatdor ekanini bildirdi.