O‘zbekistonda hokim va prokurorlarning bloglaridan iborat portal ishga tushiriladi

Unga ko‘ra, davlat hokimiyati va boshqaruvi organlari rahbarlari, hokimlar, mahalliy davlat hokimiyati organlari hamda bosh prokuror va prokurorlarning bloglaridan iborat portal yaratish mo‘ljallanmoqda.

Bunda, yozma murojaatga javob xati yuborishning 15 kunlik muddatiga rioya qilmasdan, savollarga onlayn javoblarni tezkorlik bilan olish, portalda ko‘rib chiqish uchun savol-javoblarning mavjudligini ta’minlash rejalashtirilyapti.

Shuningdek, aholi, investorlar va xalqaro reyting agentliklarining davlat qarz majburiyatlari va fiskal xavflar to‘g‘risida haqqoniy axborotdan erkin foydalanishini ta’minlash ko‘zda tutilgan.

Open budget platformasini takomillashtirish va unga barcha davlat organlari, mahalliy davlat hokimiyati organlari, shaharlar (tumanlar), xo‘jalik boshqaruvi organlarini integratsiyalash hamda alohida davlat organi nuqtayi nazaridan moliyaviy hisobot shaffofligi va ochiqligini ta’minlash ham mo‘ljallangan.