Qoʻshimcha funksionallar
-
Tungi ko‘rinish
Kennedining nabira jiyani Ukrainada ko‘ngilli sifatida jang qilgan
AQSh sobiq prezidenti Jon Kennedining nabira jiyani Konor Kennedi Ukrainadagi harbiy amaliyotlarda ishtirok etganini aytib berdi.
Uning so‘zlariga ko‘ra, Ukraina xalqaro legioni tarkibida qisqa muddat urush zonasida bo‘lgan.
«Ko‘pchilik qatori men yil davomida Ukrainada sodir bo‘lgan voqealardan qattiq ta’sirlandim. Men yordam bermoqchi edim. Ukraina xalqaro legioni haqida eshitganimda, unga qo‘shilishim kerakligini tushundim. Ertasi kuni ro‘yxatdan o‘tish uchun elchixonaga bordim», — deb yozdi Konor Kennedi ijtimoiy tarmoqda.
Uning so‘zlariga ko‘ra, faqat bir kishiga legionga qo‘shilganini aytgan, yana biriga esa haqiqiy ismini oshkor qilgan.
«Men oilam yoki do‘stlarimning tashvishlanishini xohlamadim va ular menga boshqacha munosabatda bo‘lishini ham xohlamadim», deb tushuntirdi Kennedi.
Fevral oyida Ukraina prezidenti Vladimir Zelenskiy Ukraina xalqaro legionini tuzdi. Unga Ukraina tomonidagi jangovar harakatlarda qatnashayotgan xorijiy ko‘ngillilar qo‘shilishdi.
Jon Kennedi — siyosiy, davlat va jamoat arbobi, 1961 yilda AQSh prezidentligiga saylangan. 1963 yilda Dallas shahrida uyushtirilgan suiqasddan keyin vafot etgan.
Rossiya-Ukraina urushi
Mavzuga oid
08:58
Orbansiz sammit: YeI Ukraina bo‘yicha yagona pozitsiyaga keldi
08:51
Moskva yaqinidagi NQZga hujumdan so‘ng “neft yomg‘iri” kuzatildi
08:37
Ho‘rmuz bo‘g‘ozidagi cheklovlar olib tashlandi, muzokaralar boshlandi
22:16 / 18.06.2026