O‘zbekiston va Ozarboyjon o‘rtasida yangi xalqaro bitim tasdiqlandi

Ozarboyjon bilan o‘simliklar karantini va himoyasi sohasida hamkorlik qilinadi.

“Xalqaro shartnomani tasdiqlash to‘g‘risida”gi prezident qarori qabul qilindi.

Qarorga muvofiq, O‘zbekiston hamda Ozarboyjon hukumatlari o‘rtasida o‘simliklar karantini va himoyasi sohasida hamkorlik to‘g‘risidagi bitim tasdiqlandi.

Mazkur bitim 2022 yil 21 iyun kuni Toshkent shahrida imzolangan.

O‘simliklar karantini va himoyasi agentligi mazkur xalqaro shartnomani amalga oshirish yuzasidan mas’ul vakolatli organ etib belgilandi.

Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin O‘zbekistonning majburiyatlari bajarilishini ta’minlaydi.