O‘zbekistonga 9 oyda qariyb 2,2 mln dona telefon import qilingan
O‘zbekistonga 2022 yilning yanvar-sentabr oylarida xorijdan qiymati 144,5 mln AQSh dollariga teng bo‘lgan 2 178 575 dona mobil telefon import qilingan.
Davlat statistika qo‘mitasi ma’lumotlariga ko‘ra, O‘zbekistonga mobil telefonlar importi o‘tgan yilning mos davriga nisbatan 255 621 taga oshgan.
O‘zbekiston 9 oy mobaynida mobil telefonlarni eng ko‘p import qilgan davlatlar orasida Xitoy yetakchilik qilyapti – 1,6 mln dona.
Ushbu ko‘rsatkich qolgan davlatlar kesimida quyidagicha ko‘rinish oldi:
- BAA – 247,4 ming dona;
- Vetnam – 156,5 ming dona;
- Hindiston – 153,8 ming dona;
- Qozog‘iston – 25,4 ming dona;
- Koreya – 2,1 ming dona.