O‘zbekistonga yevropalik sayyohlar eng ko‘p qismini Germaniya fuqarolari tashkil etishi ma’lum bo‘ldi

Ismoil Ertug‘ O‘zbekiston keyingi yillarda yevropalik sayyohlar orasida jozibador manzilga aylanganini ta’kidladi. U yevropalik sayyohlar eng ko‘p qismini Germaniya fuqarolari tashkil etishini qayd etdi. O‘zbekistonda ushbu sohani rivojlantirishga har tomonlama yordam ko‘rsatish, sayyohlik assotsiatsiyalari, Yevropa poytaxtlari aeroportlari ma’muriyatlari, turli sayyohlik forumlari va ko‘rgazmalari vakillari bilan aloqa o‘rnatish orqali ko‘mak berishga tayyorligini bildirdi.

O‘zbekiston vakillarining 2023 yilda Belgiyada o‘tkaziladigan navbatdagi Global turizm forumida ishtirok etishi masalasini ishlab chiqish taklif qilindi. O‘zbekiston bunday tadbirlarda taqdim etilishi mamlakatning Yevropa Ittifoqi mamlakatlarida yanada kengroq tan olinishiga va yevropalik sayyohlar oqimi oshishiga xizmat qiladi.

Tomonlar O‘zbekiston sayyohlik salohiyatini Yevropa Ittifoqi mamlakatlari hududida kengroq targ‘ib qilish maqsadida muntazam aloqalarni davom ettirishga kelishib oldi.