O‘zbekiston investitsiyalar va tashqi savdo vaziri birinchi o‘rinbosari Nozim Xolmurodov Turkiyaning Cimtas Steel kompaniyasi delegatsiyasi bilan uchrashdi.
Bu kompaniya qayta tiklanadigan energetika sohasida foydalanadigan elektr stansiyalari uchun dunyodagi eng yirik uskunalar yetkazib beruvchilardan biri va Turkiyadagi shamol generatorlari uchun minoralar ishlab chiqarishni yo‘lga qo‘ygan birinchi kompaniya hisoblanadi.
Muzokaralar davomida kompaniya O‘zbekistonda shamol elektr stansiyalari uchun minoralar ishlab chiqarish loyihasini amalga oshirish bo‘yicha taklifi tashkiliy jihatlari ko‘rib chiqildi.
Cimtas Steel vakillari keyinchalik mahsulotlarni Markaziy Osiyo mamlakatlariga eksport qilish istiqbollarini hisobga olgan holda Toshkent viloyatida shamol turbinalari uchun minoralar ishlab chiqarish loyihasini amalga oshirishga qiziqish bildirdi.
O‘z navbatida, vazirlik rahbariyati kompaniyaning investitsiya loyihasini amalga oshirishda yordam berishga tayyorligini bildirdi.
