«Real»ga «Liverpul», «Bavariya»ga «PSJ» tushdi. YeChL 1/8 finaliga qur’a tashlandi

Qur’a bir qator markaziy o‘yinlarni taqdim etdi. Jumladan, turnirning amaldagi g‘olibi «Real» finalchi «Liverpul» bilan to‘qnash kelgan bo‘lsa, «PSJ» «Bavariya»ga qarshi o‘ynaydigan bo‘ldi.

YeChL. 1/8 final juftliklari:
«RB Leypsig» – «Manchester Siti»
«Bryugge» – «Benfika»
«Liverpul» – «Real»
«Milan» – «Tottenhem»
«Ayntraxt» – «Napoli»
«Borussiya» Dortmund – «Chelsi»
«Inter» – «Portu»
«PSJ» – «Bavariya»

Jamoalar odatdagidek uyda va safarda to‘p surib, 1/4 final yo‘llanmasi g‘olibini aniqlaydi. Guruh g‘oliblari javob uchrashuvini o‘z uylarida o‘tkazishadi.

1/8 finalning dastlabki o‘yinlari 14-15 va 21-22 fevral kunlari, javob o‘yinlari esa 7-8 va 14-15 mart kunlari o‘tkazilishi rejalashtirilgan. Nimchorakfinal o‘yinlari bahorda ham Toshkent vaqti bilan soat 01:00da boshlanadi.

Ma’lumot uchun, Chempionlar ligasi-2022/23 yilgi mavsum final bahsi 2023 yilning 10 iyunida Istanbuldagi «Otaturk» stadionida o‘tkaziladi.