Donbassda shiddatli janglar va o‘qqa tutilayotgan shaharlar. Urush suratlari

Ukrainada urushning 258-kunidagi asosiy ma’lumotlar:

Ukraina prezidenti Volodimir Zelenskiy Primore o‘lkasi gubernatori Oleg Kojyemyakoning Rossiya qo‘shinlarining Donetsk oblastidagi yo‘qotishlari primorelik dengiz piyodalari aytgani kabi ulkan emasligi haqidagi gaplarini yolg‘on deb atadi. Kojyemyako poligonda videochiqish qilib, frontda vaziyat og‘irligi, yo‘qotishlar borligi, ammo qo‘shin ilgarilashda davom etayotganini aytgan.
Buyuk Britaniya mudofaa vazirligi rossiyalik harbiylar Mariupol atrofida mudofaa istehkomlari o‘rnatayotganini ma’lum qildi.
Peterburgdagi harbiy komissariat «Moskva» kreyseri halokatida bedarak yo‘qolgan oshpazga chaqiruv qog‘ozi jo‘natdi.
Rossiyaliklar samolyoti 20 avgust kuni britanlar va amerikaliklarning Ukrainada o‘lja qilingan raketalari bilan Moskvadan Eronga uchgani ma’lum bo‘ldi. Britaniya nashrlariga ko‘ra, Tehron bu qurollar evaziga 160 dan ortiq dron bergan.
Anneksiya qilingan Xersonning Rossiya tomonidan tayinlangan ma’muriyati «yaqin kunlarda voqealar rivoji tezlashishi» kutilayotgani, shu tufayli shahardan tinch aholi evakuatsiya qilinganini aytdi.
Ukraina qurolli kuchlari va Rossiya qo‘shinlari Mikolayiv oblastining Xerson oblasti bilan chegarasidagi Snigirevka shahri uchun hal qiluvchi jang boshladi. Snigirevka Xersondan bir soatlik masofada joylashgan.
AQShning BMTdagi elchisi Linda Tomas-Grinfild Kiyevga tashrifi davomida Amerikaning Kiyevni qo‘llab-quvvatlashi Ukraina bu urushda g‘olib bo‘lmaguncha davom etishiga ishontirdi.
Amerikalik aktyor Shon Penn Kiyevga o‘ziga berilgan «Oskar» haykalchasini olib keldi. Volodimir Zelenskiyning aytishicha, Penn haykalchani Ukraina qurolli kuchlarining urushdagi g‘alabasiga qadar Kiyevda qoldirgan.
RF mudofaa vaziri Sergey Shoygu Rossiyanng Ukrainadagi birlashgan guruhi qo‘mondonlik punktiga tashrif buyurdi.

Quyida 8 noyabr kuni Ukrainaning turli hududlarida olingan fotosuratlar.

Kramatorsk o‘qqa tutilishi oqibatlari