O‘zbekistonda yalpi ichki mahsulot hajmi 5,8 foizga oshdi

2022 yilning yanvar-sentabr oylarida O‘zbekistonda yalpi ichki mahsulot (YaIM) hajmi joriy narxlarda 627,5 trln so‘mni tashkil etdi.

Davlat statistika qo‘mitasining dastlabki ma’lumotlariga ko‘ra, bu ko‘rsatkich 2021 yilning mos davri bilan taqqoslaganda 5,8 foizga oshgan.
 
2022 yilning 9 oyida aholi jon boshiga hisoblangan YaIM hajmi joriy narxlarda 17,7 mln so‘m (1 603 AQSh dollari)ni tashkil etib, 2021 yilning mos davri bilan taqqoslaganda 3,6 foizga o‘sdi.