Alsgeymer va Parkinson kasalliklarini davolashning yangi usuli topildi

Sichqonlarda o‘tkazilgan tajribada ushbu og‘ir kasalliklarni davolashning samarali usuli aniqlangan.

Foto: Getty Images

Amerikaning Sent-Luis shahridagi Vashington universiteti tibbiyot maktabi olimlari Alsgeymer va Parkinson kasalliklarini davolashning yangi usulini topdi. Tadqiqot natijalari Nature jurnalida chop etilgan.

Ko‘pgina neyrodegenerativ kasalliklar miyada amiloid blyashka deb ataladigan zararlangan oqsillarni to‘planishi bilan tavsiflanadi. Bunday oqsillarning chiqarib tashlash bilan bog‘liq usullar turli xil nyuanslarga ega. Yangi maqolada mualliflar blyashkalar to‘plamini yo‘q qilishning innovatsion usulini taqdim etdilar.

Qayd qilinishicha, miyani o‘rab turgan immunitet hujayralari blyashkalarni chiqarib tashlash samaradorligiga ta’sir qiladi. Ammo, yosh o‘tishi va Alsgeymer kasalligi oqibatida ushbu hujayralar faolligi pasayganligi kuzatilgan.

Sichqonlar ustida o‘tkazilgan tajribalarda mutaxassislar hayvonlarni immunostimulyatsiya qiluvchi dorilar ta’siriga duchor qilgan. Bu suyuqlikning chiqishini yaxshilab, immunitet hujayralarini «yoshartirgan». Natijada, miyadagi blyashkalar chiqib ketishi ham yaxshilangan.

Endi olimlar ushbu usulni insonlarda sinab ko‘rmoqchi.

Tayyorlagan: Сардор Юсупов

#AQSh #tibbiyot #alsgeymer