Toshkent shahrida investitsion faollik pasaygani ma’lum qilindi

Davlat statistika qo‘mitasi ma’lumotlariga ko‘ra, yanvar-sentabrda asosiy kapitalga o‘zlashtirilgan investitsiyalar bo‘yicha Toshkent shahri birinchi o‘rinda turibdi – 97,6 foiz (41,1 trln so‘m).

Undan keyingi o‘rinlardan mos ravishda 102,4 foiz (23 trln so‘m) hamda 98,5 foiz (15,8 trln so‘m) o‘zlashtirilgan investitsiyalar bilan Toshkent viloyati va Buxoro viloyati joy oldi.

Ushbu ko‘rsatkich qolgan hududlarda quyidagicha ko‘rinish oldi:

• Samarqand viloyati – 122,5 foiz (15,6 trln so‘m);  
• Navoiy viloyati – 105,9 foiz (13 trln so‘m);  
• Qashqadaryo viloyati – 96,0 foiz (11,7 trln so‘m);
• Farg‘ona viloyati – 112,4 foiz (10,7 trln so‘m); 
• Namangan viloyati – 102,0 foiz (10,3 trln so‘m);  
• Andijon viloyati – 114,6 foiz (9,7 trln so‘m);  
• Sirdaryo viloyati – 127,6 foiz (8,5 trln so‘m);   
• Surxondaryo viloyati – 100,6 foiz (8,5 trln so‘m); 
• Jizzax viloyati – 106,9 foiz (7,5 trln so‘m);
• Qoraqalpog‘iston R. – 118,9 foiz (7,1 trln so‘m);  
• Xorazm viloyati – 108,7 foiz (6,8 trln so‘m).