23 turdagi oziq-ovqat mahsulotlari importi uchun imtiyozlar muddati uzaytirildi
Prezident “Iste’mol bozorlarida narxlar barqarorligini ta’minlashga doir qo‘shimcha chora-tadbirlar to‘g‘risida”gi farmonni imzoladi.
Prezident farmoni bilan ayrim turdagi oziq-ovqat mahsulotlari importi uchun bojxona imtiyozlari muddati 2023 yil 1 iyulgacha uzaytirilmoqda.
Aholini ijtimoiy ahamiyatga ega mahsulotlar bilan ta’minlash hamda ichki bozorda oziq-ovqat mahsulotlari narxi oshib ketishining oldini olish maqsadida qabul qilingan farmonga ko‘ra, quyidagi imtiyozlar muddati 2023 yil
1 yanvardan 2023 yil 1 iyulga qadar uzaytirilmoqda:
- import qilinadigan 23 turdagi birlamchi oziq-ovqat mahsulotlari (go‘sht mahsulotlari, baliq, sut mahsulotlari, tuxum, mevalar, sitrus mevalar, o‘simlik yog‘i, boshqa oziq-ovqat mahsulotlari) uchun import bojxona bojining “nol” stavkalarini qo‘llash;
- savdo-iqtisodiy munosabatlarda eng ko‘p qulaylik berish rejimini nazarda tutmaydigan mamlakatlardan import qilinadigan oziq-ovqat mahsulotlariga bojxona bojining ikki baravar stavkasini qo‘llamaslik.
Ushbu imtiyozlar prezidentning 2022 yil 1 iyundagi farmoni bilan 2023 yil 1 yanvarga qadar berilgan edi. Mazkur imtiyozlar tufayli tashqi savdo aloqalari geografiyasi ham kengaygan. Jumladan, Ekvador, Eron va Norvegiya davlatlaridan oziq-ovqat mahsulotlari import hajmlari oshgan. Argentina va Serbiya davlatlaridan esa birinchi marta import amalga oshirilgan.
Mavzuga oid
10:30 / 02.09.2024
SSV yangi o‘quv yili arafasida maktab oshxonalarida sotish taqiqlangan oziq-ovqatlar ro‘yxatini keltirdi
19:41 / 01.08.2024
Anor ta’mli “Royal” ichimligi mashmashasi: Davlat idoralari nega qarama-qarshi fikrda?
13:13 / 31.07.2024
Laboratoriyada tekshirilgan 8 ta oziq-ovqat mahsuloti sifatsiz ekani aniqlandi – Raqobat qo‘mitasi
20:34 / 05.07.2024