Xivada «Chegara bilmas sayyohlik» xalqaro forumi bo‘lib o‘tadi

Forum kun tartibi turizm sohasidagi ko‘p tomonlama hamkorlik dolzarb masalalarini o‘z ichiga olgan. Mazkur anjuman Yevrosiyo iqtisodiy ittifoqi "ichki turizm" imkoniyatlarini sezilarli darajada kengaytirish, turizm sohasida ilmiy-texnik va sarmoyaviy hamkorlikni mustahkamlash, mamlakatlar o‘rtasida o‘zaro tajriba almashish bo‘yicha yangi tashabbuslarni ishlab chiqish uchun samarali maydonga aylanishi kutilmoqda.

Forumda ishtirok etish uchun O‘zbekiston sayyohlik biznesi vakillari taklif etilgan. Buning uchun tashkilotchilar 26 noyabrga qadar forum qaysi bo‘limda qatnashish istagi ko‘rsatilgani holda elektron pochta orqali ishtirok etish tasdiqlanishini so‘ragan.