Ukrainadagi barcha AES tarmoqqa ulandi - MAGATE

Ukraina Rivne, Janubiy Ukraina va Xmelnitskiy atom elektr stansiyalari energiya tarmog‘iga qayta ulanganini tasdiqladi.

Foto: UNIAN

Ukrainaning barcha atom elektr stansiyalari elektr energiyasi to‘liq o‘chirilganidan so‘ng yana milliy energiya tizimiga ulandi.

Atom energiyasi bo‘yicha xalqaro agentlik (MAGATE) bosh direktori Rafayel Grossi o‘z bayonotida Ukrainaning Rivne, Janubiy Ukraina va Xmelnitskiy atom elektr stansiyalari elektr tarmog‘iga qayta ulangani va mamlakat ehtiyoji uchun elektr energiyasi ishlab chiqarayotganini tasdiqladi.

Chernobil AES ham elektr ta’minotiga ulandi. Avvalroq, Zaporijjya AES ham tashqi energiya tarmog‘iga ulangan edi.

10 oktyabrda Rossiya Federatsiyasi Ukrainaning muhim infratuzilmasiga raketa zarbalarini bergan va atigi bir kun ichida Ukraina energetika infratuzilmasining 30 foiziga zarar yetgan edi.

23 noyabr kuni Rossiya yana Ukraina energetika tizimiga zarba berdi. Shundan so‘ng, barcha atom elektr stansiyalari faoliyati to‘xtatilgan va mamlakatda jiddiy energetika inqirozi yuzaga kelgan edi.