JCh-2022. Gana Quddusning dubli evaziga Janubiy Koreyani mag‘lub etdi

«Education City Stadium»da 100 daqiqa davom etgan uchrashuvning birinchi bo‘limida Salisu va Quddus koreyaliklar darvozasini ishg‘ol etib, tanaffusga Ganani g‘olib sifatida olib chiqishdi – 2:0.

Ikkinchi bo‘limning 58 va 61-daqiqalarida Chjo Gyu Son dublga erishib, kambek ko‘rsatayotgan edi – 2:2.

Ammo 68-daqiqada Muhammad Quddus dublini rasmiylashtirib, yakunda Ganaga muhim g‘alabani taqdim etdi – 3:2. O‘yin yakunida koreyaliklar ustozi Paulo Bentu hakam tomonidan chetlatildi.

Shu tariqa, Gana 3 ochko bilan hozircha 2-o‘ringa ko‘tarilgan bo‘lsa, koreyslar 1 ochko bilan 4-o‘rinda bormoqda. Guruhdagi ikkinchi o‘yin Portugaliya va Urugvay o‘rtasida o‘tkaziladi (23:59). Koreya so‘nggi o‘yinda (2 dekabr) Portugaliyaga qarshi maydonga tushadi, Gana esa Urugvay bilan o‘ynaydi.

JCh-2022. H guruhi. 2-tur
Janubiy Koreya – Gana 2:3
Gollar: 0:1 – 24 Salisu, 0:2 – 34 Quddus, 1:2 – 58 Chjo Gyu Son, 2:2 – 61 Chjo Gyu Son, 2:3 – 68 Quddus.
Janubiy Koreya – Kim Sin Gyu, Kim Mun Xvan, Kim Yen Gvon, Kim Min Chje, Kim Chjin Su, Chjon U Yen (Xvan Iy Chjo, 79), Kvon Chxan Xun (Li Kan In, 57), Xvan In Bom, Chjon Vu Yen (Na San Xo, 46), Son Hyon Min, Chjo Gyu Son.
Gana – Ati-Ziji, Lempti (Odoi, 78), Amarti, Salisu, Mensa (Baba, 88), Parti, Quddus (Jiku, 83), Abdul-Samed, Ayyu (Kere, 78), Ayyu (Sulaymoni, 78), Uilyams.
Ogohlantirishlar: Amarti (21), Chjon U Yen (27), Lempti (73), Kim Yen Gvon (77).