O‘zbekiston va Rossiya yuk tashish uchun qulay sharoit yaratishga kelishib oldi

Samarqand shahrida bo‘lib o‘tgan O‘zbekiston va Rossiya hukumat rahbarlari darajasidagi qo‘shma komissiya 3-majlisi doirasida 2022-2023 yillarda transport sohasida hamkorlik bo‘yicha amaliy chora-tadbirlar rejasi («Yo‘l xaritasi») imzolandi.

Foto: Dunyo

O‘zbekiston transport vaziri Ilhom Mahkamov hamda Rossiya transport vaziri Vitaliy Savelev tomonidan imzolangan mazkur hujjatda tomonlar transport xavfsizligi sohasida davlatlar qonunchiligida bo‘layotgan o‘zgarishlar to‘g‘risida ikki tomonlama axborot almashinuvini tashkil etishga tayyorligini bildirdi.

«Yo‘l xaritasi»da O‘zbekiston va Rossiya o‘rtasida konteyner/refrijyerator yuk tashishlarni amalga oshirish uchun qulay shart-sharoitlarni yaratish ko‘zda tutilgan.

Hujjatda transport sohasiga, O‘zbekiston raqamli intellektual transport tizimiga zamonaviy raqamli yechimlarni joriy etish hamda transport ta’limi sohasidagi o‘zaro hamkorlik masalalari aks etgan.

Tayyorlagan: Отабек Матназаров

#Rossiya #yuk