Turkiya prezidentining maoshi miqdori ma’lum bo‘ldi

Deputatlar bu haqda vitse-prezidentdan ma’lumot olishdi.

Foto: AP

Turkiya vitse-prezidenti Fuat O‘qtoy mamlakat Oliy millat majlisida 2023 yilgi budjet bo‘yicha deputatlarning e’tirozlari va savollariga javob berar ekan, prezident Rajab Toyyib Erdo‘g‘anning maoshi miqdorini ma’lum qildi.

«2022 yilning ikkinchi yarmida 2023 yil uchun pul mablag‘lari o‘sishi kuzatilmadi. 2022 yilgi budjetda prezidentning sof maoshi 66 445 turk lirasini (qariyb 3565 dollar) tashkil etgan. Shundan beri prezident maoshi oshmadi», dedi O‘qtoy.

Vitse-prezident bu qiymatning yillik, oylik yoki haftalik ekaniga oydinlik kiritmadi.