Quyosh fotoelektrik stansiyalari qurgan shaxslarga kompensatsiya beriladi

Kompensatsiya quyidagi xarajatlar bir qismini qoplash uchun ajratiladi:

• jismoniy shaxslarga quyosh fotoelektrik stansiyalari, quyosh suv isitkichlari, energiya samarador gaz-gorelkali qurilmalarni sotib olish xarajatlari 30 foizi miqdorida, biroq:
• quyosh fotoelektrik stansiyalari uchun – 3 million so‘mdan;
• quyosh suv isitkichlari uchun – 1,5 million so‘mdan;
• energiya samarador gaz-gorelkali qurilmalar uchun – 200 ming so‘mdan oshmaydigan miqdorda;

qayta tiklanuvchi energiya manbalari qurilmalari, energiya samarador gaz-gorelkali qurilmalar va qozonlar, energiya samarador boshqa uskunalarni xarid qilish uchun olingan kreditlar bo‘yicha foiz xarajatlari bir qismini qoplashga:

• jismoniy shaxslarga – 500 million so‘mdan oshmaydigan kreditlar bo‘yicha – Markaziy bank qayta moliyalash stavkasidan oshgan qismida, biroq 8 foiz punktidan ko‘p bo‘lmagan miqdorda;
• yuridik shaxslarga – 5 milliard so‘mdan oshmaydigan kreditlar bo‘yicha – Markaziy bank qayta moliyalash stavkasidan oshgan qismida, biroq 5 foiz punktidan ko‘p bo‘lmagan miqdorda.