Toshkent shahar hokimligi huzuridagi Raqamli rivojlanish departamenti geonom.tashkent.uz saytini ishga tushirdi. Endilikda 18 yoshga to‘lgan va poytaxtda doimiy yoki vaqtincha ro‘yxatda bo‘lgan fuqarolar saytda ro‘yxatdan o‘tib, Toshkent shahridagi yangi geografik obektlarni nomlash va mavjudlarini qayta nomlashda ishtirok etishi mumkin.
Loyihaning ilk bosqichida fuqarolar Toshkent metropoliteni yerusti liniyasining Do‘stlik-Qo‘yliq va Olmazor-Sergeli yo‘nalishlaridagi 19 ta bekatga nom berish jarayonida ishtirok etmoqda.
Kun.uz muxbiri loyiha tashkilotchilari bilan uchrashib, onlayn platforma haqida ma’lumot oldi.
