6 yilda avvalgi yillarga nisbatan 10 barobar ko‘p uy-joylar qurildi

Shavkat Mirziyoyevning Oliy Majlisga va O‘zbekiston xalqiga murojaatnomasi bo‘lib o‘tyapti.

Foto: Prezident matbuot xizmati

Ma’lum qilinishicha, oxirgi olti yilda mamlakat bo‘yicha qariyb 300 mingta yoki avvalgi yillarga nisbatan 10 barobar ko‘p uy-joylar qurildi.

Bu davrda qo‘shimcha 500 ming o‘quvchi o‘rni yaratilib, ularning jami soni 5 million 300 mingga yetdi. Hozirgi vaqtda yana 1 million 200 ming o‘quvchi o‘rni yaratish bo‘yicha ishlar jadal davom ettirilmoqda.

Bu yil 381 nafar sportchi Jahon va Osiyo musobaqalarida, 43 nafar iqtidorli va bilimdon yoshlarimiz nufuzli xalqaro fan olimpiadalari hamda tanlovlarida sovrinli o‘rinlarni qo‘lga kiritdi.

"Nuroniy otaxon va onaxonlarimiz oila davrasida, Haj va Umra ziyoratlarida shukronalik duolarini qilayotgani, bizga kuch va g‘ayrat bag‘ishlamoqda", - dedi prezident.

Tayyorlagan: Отабек Матназаров

#parlamentga murojaat #Shavkat Mirziyoyev