14:55 / 25.12.2022
21726
Херсондаги бозор ўққа тутилиши оқибатлари, фронтда байрам қилаётган аскарлар. Уруш суратлари

Урушнинг 304-кунидаги асосий маълумотлар:

  • Херсон маркази ракета зарбаларига учради. Маҳаллий расмийларнинг сўнгги маълумотига кўра, 16 киши ҳалок бўлиб, яна 68 киши жабрланган.
  • Харкивда А.С. Пушкин номидаги рус академик театри қайта номланди. Янги номда «рус» ва шоир номи йўқолиб қолган.
  • Маҳаллий омбудсмен маълумотига кўра, «ДХР»да йил бошидан буён 1089 нафар тинч аҳоли вакили ҳалок бўлган. «Можем объяснить» канали бу рақамларни яқинда аннексия қилинган «халқ республика»ларида 2014 йилдан «махсус амалиёт» бошлангунга қадар қурбон бўлганлар сони билан солиштирган: саккиз йил ичида, БМТ расмий маълумотларига кўра, 3404 киши ҳалок бўлганди.
  • Украина маданият ва ахборий сиёсат вазирлиги «Дiя» давлат рақамли хизматларида сўров ўтказмоқда, унда украинлар Рождествони қайси кунда нишонлашни маъқул кўриши сўралади: ҳозирги 25 декабр ёки 7 январда (нафақат кўплаб украин православлари, балки грек-католиклари ҳам шу санага амал қилади).

Қуйида 24 декабр куни Украинанинг турли ҳудудларида олинган суратлар.

Куннинг асосий воқеаси. Херсоннинг ўққа тутилиши

Яқинда оккупациядан озод этилган Херсонга шанба куни Россия томонидан ёппасига ракета зарбалари йўлланди. Шаҳар бўйлаб 74 та ракета учиб келган. Ракеталарнинг бир қисми шаҳардаги бозор ҳудудига келиб тушган. Маҳаллий расмийларнинг сўнгги маълумотларига кўра, 16 киши ҳалок бўлиб, 68 киши жабрланган. Россия ҳукумати бу ҳодиса юзасидан расман изоҳ бермади, аммо Кремл таъсиридаги манбалар, жумладан Херсон областининг оккупацион ҳукумати раҳбари Владимир Сальдо бунда Украина қуролли кучларини айблади. Областнинг Украина томонидан тайинланган маъмурияти херсонликларни, айниқса Днепр соҳилида яшовчиларни эвакуация бўлишга чақирди, чунки бу ҳудуд Россия томонидан энг кўп зарбаларга учрайди ва амалда бу жойларни иссиқлик ва электр энергияси билан таъминлашнинг имкони йўқ.

Херсон ўққа тутилиши вақтида жароҳатланганлардан бири тез ёрдам замбилида
Dimitar Dilkoff / AFP / Scanpix / LETA
Ҳайдовчиси ракета зарбаси оқибатида ҳалок бўлган автомобил ёнида ўтаётган украиналик полициячи
Dimitar Dilkoff / AFP / Scanpix / LETA
Dimitar Dilkoff / AFP / Scanpix / LETA
Dimitar Dilkoff / AFP / Scanpix / LETA
Dimitar Dilkoff / AFP / Scanpix / LETA
Херсонга ракета зарбалари берилиши оқибатида ҳалок бўлганларнинг жасадлари
Dimitar Dilkoff / AFP / Scanpix / LETA

Киевда «Азов» полки жангчиларининг қариндошлари уюштирган акция  

«Азов» полкининг асирликдаги аъзоларининг яқинлари ва уларни қўллаб-қувватловчи гуруҳ Киевдаги Мустақиллик майдонида ташкил этилган «Асирликдаги Рождество» номи остидаги кўргазмада. Акция «Азов»нинг ҳамор Россия асирлигида қолаётган жангчиларини қўллаб-қувватлаш мақсадида ўтказилди. 
Gleb Garanich / Reuters / Scanpix / LETA

Бахмутдаги ҳаёт

Бахмутда артиллерия зарбасини йўналтирувчи дрондан яширинаётган украиналик ҳарбий хизматчилар
Pierre Crom / Getty Images
Бахмутда яшовчи Людмила вайрон бўлган кўприк орқали дарё ирмоғини кечиб ўтмоқда
Pierre Crom / Getty Images
Бахмут аҳолиси вакили овқат пишириш ва исиниш учун дарахт шохларидан ўтин тайёрламоқда. Бир неча ойдан буён мунтазам равишда ўққа тутилаётган ушбу шаҳарда анчадан буён сув, иссиқлик ва электр энергияси йўқ
Pierre Crom / Getty Images
Бахмутда яшовчилар манқалда овқат тайёрламоқда
Pierre Crom / Getty Images
Бахмут аҳолиси вакиллари гуманитар марказдаги янги йил арчаси олдида телефонларини қувватлантирмоқда
Pierre Crom / Getty Images

Фронтдаги Рождество 

Харкив областида Россия билан чегара яқинидаги позицияда полк капеллани Украина Миллий гвардияси жангчисини чўқинтирмоқда. Украинадаги православларнинг кўпчилик қисми Рождествони Юлиан тақвими бўйича 7 январда нишонлайди, аммо бу йилда уларнинг бир қисми 25 декабрда нишонлашга ўтди.
Sergey Kozlov / EPA / Scanpix / LETA
Алоҳида топшириқли «Днепр-1» патрул полки аскари Рафаэл Карапетян Бахмутдаги фронт чизиғидаги окопга безатилган арчани олиб бормоқда
Clodagh Kilcoyne / Reuters / Scanpix / LETA
Харкив қўғирчоқ театри артисти област шимолидаги позицияларда Украина миллий гвардияси жангчилари учун Рождество томошалари кўрсатмоқда. Фото: Sergey Bobok / AFP / Scanpix / LETA
Алоҳида топшириқли «Днепр-1» патрул полки полицияси жангчилари Бахмутдаги фронт чизиғида Рождество дастурхонида овқатланишмоқда
Clodagh Kilcoyne / Reuters / Scanpix / LETA

 

Мавзу
Россия-Украина уруши
2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.
Барчаси
Top