BMT Ukrainada halok bo‘lgan tinch aholi sonini e’lon qildi

BMT Inson huquqlari bo‘yicha Oliy komissari boshqarmasi Ukraina mojarosida tinch aholi qurbonlari bo‘yicha statistik ma’lumotlarni yangiladi. 

24 fevraldan 26 dekabrgacha, departament ma’lumotlariga ko‘ra, 6884 nafar tinch aholi (shundan 429 nafari bolalar) halok bo‘lgan. 10947 kishi (shundan 800 nafari bolalar) tan jarohati oldi. 

O‘lganlar orasida: 2719 erkak, 1832 ayol, 175 qiz, 216 o‘g‘il. Shuningdek, ularning 38 nafari bola va 1904 nafari kattalardir, ularning jinsi noma’lum. Yaralanganlar orasida: 2364 erkak, 1709 ayol, 229 qiz, 318 o‘g‘il. Yaralangan 253 nafar bola va 6074 nafar kattalarning jinsi ham noma’lum. 

Donbassda - 4052 kishi halok bo‘ldi, 5643 kishi yaralandi. Donbassning Ukraina nazorati ostidagi hududlarida 3569 kishi halok bo‘ldi, 4010 kishi yaralandi. Rossiya armiyasi nazorati ostidagi hududlarda 483 kishi halok bo‘ldi, 1633 kishi yaralandi. 

Departament hisobotida qayd etilishicha, o‘lim holatlarining aksariyati qurol-yarog‘ ta’sirida yuz bergan. Gap og‘ir artilleriya, raketa tizimlari orqali berilgan zarbalar haqida ketmoqda.