Ukrainada yangi yil kechasi 45 ta «Shahed» droni urib tushirildi

1 yanvarga o‘tar kechasi Rossiya Ukraina hududiga raketa zarbalari uyushtirdi. Shuningdek, Eronda ishlab chiqarilgan dronlar bilan hujum qildi.

Foto: Sotsialnyye seti

Ukarina harbiylari yangi yil kechasi Rossiya tomonidan uchirilgan 45 ta Eronda ishlab chiqarilgan «Shahed 131» va «Shahed 136» dronlarini urib tushirdi. Bu haqda Ukraina harbiy havo kuchlari axborot berdi.

Ukraina armiyasi axborot xizmati umumiy hisobda nechta dron uchirilgani va ularning qancha qismi urib tushirilganiga oydinlik kiritmagan. Ijtimoiy tarmoqlarda dronlar tushishi oqibatida sodir bo‘lgan portlashlar videosi tarqaldi.

Avvalroq Ukraina tomoni bir kechada Rossiya tomonidan uchirilgan 32 ta raketa urib tushirilganini ma’lum qilgandi.