O‘zbekiston va Xitoy o‘zaro aviaparvozlarni tiklamoqda
Toshkent va Pekin o‘rtasidagi parvozlar qariyb uch yil o‘tib tiklanmoqda. Uzbekistan Airways birinchi reysni 10 yanvar kuni amalga oshiradi.
Uzbekistan Airways aviakompaniyasi Toshkent–Pekin–Toshkent yo‘nalishi bo‘yicha parvozlarni tiklaydi. Bu haqda aviakompaniya axborot xizmati xabar qildi.
Qayd etilishicha, joriy yilning 10 yanvar kuni ilk parvoz amalga oshiriladi.
Xitoyga kirish uchun yo‘lovchilarga viza va amal qilish muddati 48 soatdan ko‘p bo‘lmagan PZR-test natijasi kerak bo‘ladi.
Uzbekistan Airways saytidagi ma’lumotlarga ko‘ra, chiptalar narxi 6,7 mln so‘mdan boshlanadi. Keyingi reys 17 yanvarga mo‘ljallangan. «Gazeta.uz» aviakompaniya matbuot xizmatiga asoslanib xabar berishicha, oy oxiriga qadar samolyotlar har haftaning seshanba kunida bir marta parvoz qiladi, fevral oyidan reyslar sonini haftasiga ikki martaga oshirish rejalashtirilmoqda.
Eslatib o‘tamiz, O‘zbekiston va Xitoy muntazam aviaqatnovlarni 2020 yil fevralida koronavirus pandemiyasi avj olishi munosabati bilan to‘xtatgandi.
Mavzuga oid
19:17 / 25.09.2024
Uzbekistan Airways aviakompaniyasi Airbus samolyotlari parkini kengaytiradi
21:49 / 16.08.2024
Uzbekistan Airways aviakompaniyasining Malayziyaga parvoz qilgan samolyotida o‘g‘rilar ushlandi
21:01 / 05.08.2024
Rossiyaliklar Uzbekistan Airways reyslarida o‘g‘rilar paydo bo‘lgani haqida shikoyat qildi
18:25 / 05.08.2024