O‘zbekistonda sayyohlik xizmatlarining eng katta hajmi Toshkentda qayd etildi

O‘tgan yil yanvar-noyabr oylari yakunlariga ko‘ra, sayyohlik agentliklari va turoperatorlar bron qilish hamda va tegishli sayyohlik xizmatlar ko‘rsatish eng katta hajmi Toshkent shahrida qayd etildi.

Foto: Kun.uz

Davlat statistika qo‘mitasi ma’lumotlariga ko‘ra, bu ko‘rsatkich 302,2 milliard so‘mni tashkil etdi.

Xorazm (30,3 mlrd so‘m), Samarqand (26,4 mlrd so‘m), Farg‘ona (10,6 mlrd so‘m), Buxoro (13,3 mlrd so‘m), Namangan (8,4 mlrd so‘m) va Toshkent (8,4 mlrd so‘m) viloyatlari ham o‘z ko‘rsatkichlari bilan ajralib turdi.

Boshqa hududlarda sayyohlik xizmatlari ko‘rsatish hajmi 5 milliard so‘mga ham yetmagan.

O‘zbekistonda sayyohlik agentliklari, turoperatorlar tomonidan ko‘rsatilgan barcha xizmatlarning hajmi hammasi bo‘lib 415,3 milliard so‘mni tashkil etdi.