2023 yilning 1 yanvar holatiga O‘zbekistonning doimiy aholisi 36 024 946 kishini tashkil etgan.
Foto: Kun.uz
O‘zbekiston prezidenti huzuridagi Statistika agentligi ma’lumotlariga ko‘ra, mamlakat aholisi 2022 yilda 753,6 ming kishiga ko‘paygan.
O‘zbekiston aholisi 2022 yilning har bir oyida o‘rtacha 62,8 ming kishiga oshgan.
2022 yilning har bir kunida doimiy aholi soni o‘rtacha 2,1 ming kishiga ko‘paygani aytiladi.
Ma’lumot o‘rnida, O‘zbekiston Respublikasi doimiy aholi soni bo‘yicha MDHda uchinchi o‘rinda.
Bundan tashqari, O‘zbekiston tug‘ilish bo‘yicha MDHda birinchi o‘rinda.
O‘zbekiston Respublikasi aholi soni bo‘yicha dunyo mamlakatlari o‘rtasida 41-o‘rinda qayd etilgan.
