O‘zbekiston va Pokiston Afg‘onistondagi vaziyatni muhokama qildi

O‘zbekiston tashqi ishlar vaziri vazifasini bajaruvchi Baxtiyor Saidov Iqtisodiy hamkorlik tashkiloti Tashqi ishlar vazirlari kengashi yig‘ilishida ishtirok etish uchun kelgan Pokiston tashqi ishlar vaziri Bilaval Bhutto Zardoriy bilan uchrashdi.

Foto: TIV

Oliy darajada erishilgan kelishuvlarni samarali amalga oshirish maqsadida O‘zbekiston-Pokiston strategik sherikligini yanada rivojlantirish istiqbollari ko‘rib chiqildi.

Mintaqaviy siyosat masalalari, jumladan, Afg‘onistondagi vaziyat muhokama qilindi.

Transport-kommunikatsiya sohasidagi hamkorlikning mavjud salohiyatidan samarali foydalanish va iqtisodiy diplomatiyani faollashtirish muhimligi ta’kidlandi.

Bilaval Bhutto-Zardoriy O‘zbekiston tomonini Iqtisodiy hamkorlik tashkilotiga muvaffaqiyatli raislik qilgani bilan tabrikladi.

Tayyorlagan: Отабек Матназаров

#Afg‘oniston #Pokiston