Пиёда кўчанинг белгиланмаган жойидан кесиб ўтаётган бўлган.
Самарқанд шаҳрида содир бўлган йўл-транспорти ҳодисасида автобус уриб юборган кекса ёшдаги пиёда вафот этди.
Самарқанд вилояти ИИБ ахборот хизматининг хабар беришича, ҳодиса 2023 йил 24 январ куни соат 7:30 ларда Самарқанд шаҳар Бедил кўчасида содир бўлган.
Йўловчи ташиш фаолияти билан шуғулланувчи Isuzu автобуси йўлнинг белгиланмаган жойидан кесиб ўтаётган пиёдани уриб юборган. Оқибатда 64 ёшли фуқаро оғир тан жароҳатлари олиб, ҳодиса юз берган жойда ҳалок бўлган.
Аввалроқ, Самарқанд шаҳар Уста Умар Жўрақулов кўчасида автобус ҳайдовчиси светофорнинг қизил чироғида ҳаракатланиб пиёдаларни босиб кетишига бир бахя қолганди.
